Enavos

Peter Peyer

Ils 15 da matg 2022 elegia il Grischun. Jau ma met gugent a disposiziun per ina reelecziun, per cuntinuar mia lavur. Per stabilitad e progress en il Grischun. Per che nus sajan provedids en l'entir chantun cun servetschs publics. Per che noss chantun giaja ordavant cun spiert da pionier per il salvament dal clima. Per che la famiglia saja ina schanza e betg ina paisa. Per ch'il bainesser public quintia e na l'egoissem. Per ch'i giaja bain cun nus tuts.

Curs da la vita

Pled da nominaziun

Progress

Mia candidatura per in secund temp d'uffizi è ina candidatura per dapli progress che arriva tar la glieud. Grazia al sforz da la fracziun da la PS en il parlament e mes engaschament en la regenza ha il Grischun già cuntanschì progress considerabels:

  • Il Grischun ha in Green Deal ed è pertutgant il salvament dal clima a la testa dals chantuns.
  • Il Grischun ha finalmain in sistem electoral gist.
  • Il Grischun ha in concept da promoziun culturala ed in budget da cultura considerablamain pli aut.
  • Il Grischun ha in fond da digitalisaziun che jau hai inizià sco deputà dal cussegl grond.

Sco schef dal departament hai jau cuntanschì ensemen cun mes collaboraturs success concrets per il progress:

  • Nus avain stgaffì regiuns da provediment da la sanadad ed uschia segirà il provediment da la sanadad en l'entir territori chantunal.
  • Nus avain reorganisà e fatg fit per l'avegnir l' APUC (KESB).
  • La progressiva refurma da la giustia cun la fusiun da las dretgiras superiuras è messa sin via.
  • Nus avain dà avertura a l'instituziun per l'execuziun giudiziala Cazas-Tignez e modernisà la lescha per l'execuziun da la chatscha. En l'execuziun giudiziala conform al temp ed en la prevenziun da la violenza vuless il Grischun giugar ina rolla da pionier naziunal.
  • Per l'emprima giada è vegnida fatga en l'entir departament ina questiunada da tut ils collaboraturs e las collaboraturas. Grazia a questa basa preziusa avain nus in impurtant instrument da gestiun e pudain realisar optimaziuns cun cleras intenziuns.
  • Nus prendain serius las criticas, introducin process da midadas necessaris ed als accumpagnain stretgamain.

Stabilitad

Mia candidatura per in secund temp d'uffizi è ina candidatura per la stabilitad.

Sco cusseglier guvernativ responsapel per la sanadad e la protecziun da la populaziun viv jau ensemen cun ina ferma organisaziun da crisa la pandemia da covid sco pli gronda sfida per il Grischun dapi la Segunda Guerra munidala. Ensemen sco team la dumagnain nus cun provisiun, precauziun e curascha. E quatras dain nus a la populaziun stabilitad e segirtad en temps burasclus.

  • Grazia a la strategia da testar da success han ils manaschis grischuns dapli segirtad da planisaziun.
  • Il stab directiv experientà maina il Grischun resolutamain ma cun egl atras la crisa.
  • En medem temp avain nus tschentà sin nova basa legala la protecziun civila e procurà per reservas stabilas en temps da crisa.

Er cur ch'i era turbulent en las dretgiras avain nus reagì spert:

  • A las dretgiras superiuras è vegnì gidà speditiv a reducir la paisa da pendenzas grazia a derschaders e derschadras extraordinaris.

Sguard enavant

Bler è cuntanschì. I stat dentant anc da far auter en il onns che vegnan:

  • Il Grischun dovra tar il Green Deal er en la segunda etappa ina finamira ambiziusa da netto nulla.
  • Il Grischun dovra ina politica da famiglia progressiva cun tgira d'uffants per tuts.
  • Il Grischun dovra cundiziuns da lavur en il sectur da la sanadad, numnadamain en la tgira.
  • Il Grischun dovra ina ferma administraziun grazia a collaboraturs e collaboraturas motivads e cun auta prontadad da s'engaschar.

Jau sun gugent il templayer dal qual la populaziun po safidar. Per che nus possian er en ils onns che vegnan sabasar sin stabilitad e progress.

Grazia fitg per mintga singula vusch e mintga sustegn.

Testimonials

Anita Caflisch Müller

«Il Grischun ha agì en la pandemia da corona cun curascha, bun egl ed ideas prudentas. Bun da savair che Peter Peyer garantescha er en temps da crisa la stabilitad e la segirezza.»

Anita Caflisch Müller -

media spezialista FMH per medischina interna generala

Jon Pult

«Il Grischun sco chantun da cunfin, da turissem e da muntognas senta directamein ils effects da la crisa dal clima e d’ina politica europeica insufficienta. Bun da savair che Peter Peyer s’engascha er per cundiziuns stablas cun noss vaschins e progress en la protecziun dal clima.»

Jon Pult -

cusseglier naziunal, president da l’Iniziativa da las Alps, manader da la giunta per l’Europa da la PS Svizra

Sandra Locher Benguerel

«Savair tadlar e far in’atgna opinun, spiert da team e diligenza èn premissas per ina politica progressiva. Bun da savair che Peter Peyer dispona er sco cusseglier guvernativ da quellas qualitads.»

Sandra Locher Benguerel -

cussegliera naziunala, commembra da la cumissiun per scienza, formaziun e cultura

Elecziuns per il Cussegl grond 2022

Per pudair vinavant politisar cun success per il Grischun dovr'jau en il Cussegl grond ina ferma fracziun sco sustegn. Grazia al nov sistem electoral po la populaziun grischuna per l'emprima giada eleger la PS ed ils Verds en tut ils circuls. Communablamain s'engaschan las duas partidas soras per il clima, la giustia ed il progress.

La PS ed ils Verds vulan che noss chantun giaja ordavant pertutgant la protecziun dal clima e ch'el haja quità da la natira. Els vulan che la famiglia saja ina schanza e betg ina paisa. Els vulan dapli varietad empè dal semper medem vegl filz. Ed els vulan in spiert da progress: Investiziun en la scolaziun, la perscrutaziun e la cultura.

Eleger uss la nova entschatta! Il temp da l'immovibladad politica è passada. Las candidatas ed ils candidats chattais Vus qua.

www.wahlengraubuenden.ch

Donaziuns

Sustegnai mia candidatura per in sez en il cussegl guvernativ cun ina donaziun.

Jetzt spenden